PEKALONGAN – Caranipun Pacinan -pacinan dipunbangun ing wilayah Pekalongan asringipun boten netepi pranatan, makaten Soerabaijasch Handelsblad kados kapethik saking De Preanger-Bode dinten Setu (10/11/1917).
Pangawasan mbangun griyá wonten ing koloni-koloni ing njawi ibukuthá wilayah pancèn boten titi lan teges kados ing ibukuthá wilayah.
Koloni-koloni wau antawisipun Klidang, Limpoeng, Slawi, Lebaksioe, Margasari Tjomal, Oeloedjami, Wiradessa, Kedoengwoeni, Tandjong lan Boemiajoe.
Pramilá déwan wilayah Pekalongan kanthi dhedhasar wau lajeng netepaken ordonansi (pranatan) babagan mbangun lan mbongkar griyá ing wilayah njawi ibukuthá Pekalongan lan Tegal.
Salajengipun mlebet wanci rendheng dipuntindakaken ngepras ngirangi runggutipun alas supados saget tuwuh saé. Tumindak ngepras alas wau ugi ngasilaken bathi ingkang lumayan. Kados dinten puniká ing Subah saget ngasilaken mèh 2.000 meter kubik, ingkang saget dipunlèlang. (es/es)