Básá Jawi, utaminipun krámá madyá lan krámá inggil, dinten sapuniká sampun awis-awis dipunginaaken malih, tur sangsáyá udhar. Malah ngoko mawon sampun kawur-awur kalih tembung-tembung básá Indonesia utawi básá máncánegari sanèsipun.
Pancènipun sráná lan sumber-sumber kanggé sinau básá Jawi ugi kalebet kirang sanget, ingkang cumawis kadostá media massa cithakan utawi waosan (serat kabar, majalah), èlèktronik (radio, televisi), multimedia, internèt, media ènggal, kathahipun sanès básá Jawi.
Migatosaken kahanan wau, Het Javaanse Blad (cekak aos: Het Blad), kalenggahanipun ing tanah Walandi, kanthi sedáyá kakirangan sáhá gothangipun kanthi puniká dipundamel minongká urun-urun atur sumbangsih kanggè ndhèrèk nguri-uri básá Jawi, kados kaserat ing semboyanipun: Nguri-uri Básá Jawi.
Antawisipun sareng Het Blad mugi-mugi párá priyantun Jawi ing tanah Walandi, Suriname, tanah Jawi, Indonesia, Kaledonia Énggal, Eropa, Amerika, ugi sinten kémawon ing pundi kémawon saget dipungampilaken anggènipun sami marsudi básá Jawi, basanipun kitá sami.
E. Santosa
Redhaksi