DEN HAAG – Walandi taksih kekirangan kamar kanggé mahasiswa. Wonten 26.500 mahasiswa dugi dinten sapuniká dèrèng pikantuk kamar.
“Ongká puniká mindhak 20% ketimbang taun kapungkur,” makaten Kences, salah satunggaling wadhah ingkang monitor kamar utawi pondokan kanggé mahasiswa.
Miturut Kences, mindhakipun kakirangan pondokan mahasiswa puniká bakal tansah tambah. Ing wekdal 8 taun samangké bakal wonten 57.000 tambahan mahasiswa ingkang mbetahaken pondoka, sawetawis namung wonten 16.500 pondokan ingkang dipunbangun dugi taun 2025.
Direktur Kences, Jolan de Bie, menggalih bilih krisis Corona minongká salah satunggaling sebab paling penting mindhakipun ongká kakirangan pondokan wau.
Kathah mahasiswa taun wingi ndhèrèkaken kuliah online saking griyá. Sapuniká mahasiswa kedah hadir malih wonten ing kelas, ndadosaken mahasiswa kiyeng manggèn ing pondokan. Dados kejawi mahasiswa taun kaping sepindhah ugi mahasiswa taun kaping kalih ingkang ngucali pondokan.
“Sadèrèngipun pasar pondokan mahasiswa pancèn sampun cekak, nanging gelombang mahasiswa ingkang mbetahaken pondokan kathahipun èwonan kados makaten ndadosaken pasar boten saguh,” makaten Jolan de Bie.