DEN HAAG – Kraton Walandi pikantuk bálápecah énggal kanggé staatsbanket (pasugatan ageng) utawi pasugatan sanèsipun ing kraton.
Párá tamu saking Corps Diplomatique ingkang kaping sepindhah pikantuk pasugatan nganggé bálápecah énggal puniká. Antawisipun ing piring wonten monogram aksárá W minongká inisial Ngarsá Dalem Willem-Alexander lan aksárá M minongká inisial Kanjeng Gusti Ratu Máxima.
Bálápecah énggal puniká dipunrancang déning pangrancang Walandi lan dipundamel déning pabrikan Walandi ugi. Bálápecah puniká sedayanipun wonten 9 bagéan piring lan gelas ingkang dipundamel miturut tradisi ‘Delfts Blauw’, inggih puniká keramik khas kuthá Delft.
Corakipun nganggé ciri-ciri asli ‘Delfts Blauw’ nanging ugi ngetrapaken èlemèn-èlemèn énggal ingkang nggambaraken trah Oranje, kraton, masyarakat. Gambar manuk, sekar jeruk manis (Citrus sinensis), lan patron geométris dados corak utami. Bálápecah énggal puniká pikantuk nami: Blossom Panache.