DEN HAAG – Toko sekar ing Walandi kuwalahan ngadhepi pesenan bukèt sekar kanggé Dinten Ibu mbénjing Ngahad (9/5/2021).
Reginipun sekar ugi ndhèrèk mindhak
Royal FloraHolland
Bènten kaliyan Indonesia, Dinten Ibu ing mriki dhawah saben dinten Ngahad kaping kalih ing sasi Mei. Miturut toko sekar, minggu puniká omzet sadéan sekar minggah dugi 50% kalawan dinten-dinten biasa, sawetawis toko sekar online Fleurop omzetipen mindhak ngantos tikel gangsal.
“Reginipun sekar sekar ugi ndhèrèk mindhak,” ngendiká Royal FloraHolland, pusering lélang sekar ing Walandi kapethik saking nu.nl
Sarèhning wonten pranatan Corona angèl anggènipun kepanggih, sowan, utawi medhayoh, kawulá ing Walandi langkung asring tumbas sekar lajeng kanggé mbingahaken dipunkintun dumateng tiyang sepuh, réncang, utawi sanèsipun.
Sekar pancèn tansah dados kado kanggé Dinten Ibu
Bram Rijkers
“Anyambut dinten Ibu, sedáyá wau bakal tambah tikel-tikel malih. Temtu saben toko bènten-bènten, nanging rátá-rátá omzètipun mindhak 35% dugi 50% kalawan dinten-dinten biasa,” makaten Bram Rijkers, manajer komersial Vereniging Bloemist Winkelier/VBW (Pakumpulan Juragan Toko Sekar) mrakiraaken.
Pripun kémawon ing wanci pagebluk Corona lajeng lockdown pancènipun kathah kawulá ingkang tumbas sekar, boten namung kanggé mbingahaken tiyang sepuh, kaluargi, réncang, utawi sanèsipun, nanging ugi kanggé nyemarakaken griyá piyambak.
“Kajawi makaten sekar pancèn sampun tansah dados kado lumrah kanggé Dinten Ibu,” makaten Rijkers.
Sawetawis puniká miturut Direktur Fleurop Jeroen de Zwart pesenan bukèt sekar mawi online langkung ramé. Pungkasan minggon sadèrèngipun Dinten Ibu sampun mlebet 50% pesenan langkung kathah kalawan dinten biasanipun.
“Ing minggu kapengker pesenan wau terus nambah, ing pundi dinten Jemuah lan Setu malah dugi tikel kaping gangsal kalawan dinten-dinten normal,” makaten De Zwart.