DEN HAAG – Het Contactorgaan Moslims en Overheid/CMO (Déwan Musyawarah Muslim lan Pamréntah), ingkang mayungi 380 masjid ing Walandi, dhawuh umat Muslim supados buká siyam Ramadan ing griyá mawon, sareng-sareng kaluargi.
“CMO paring dhawuh supados umat Muslim naliká wekdal énjing shálat subuh lan naliká dalu dhahar buká siyam ing griyá mawon, boten usah mider kempal famili, réncang, utawi ing masjid,” makaten pangurus CMO Saïd Bouharrou kapethik saking NRC, dinten Setu (10/4/2021).
Miturut Bouharrou, CMO ngaturaken dhawuh wau kanthi pangajeng-ajeng saget ndhèrèk nyegah panyebaran virus Corona. “Wonten suanten bilih pinten-pinten masjid badhé ngundang i’tikaf, puniká boten wicaksáná,” ngendiká Bouharrou.
Miturut Bouharrou, kahanan énggal puniká maringi wekdal kanggé wangsul malih dugi intinipun Ramadan. Bouharrou mirsani bilih pranatan pagebluk Corona minongká wekdal kanggé mawas diri.
“Kitá sapuniká ing sasi Ramadan mligi menggalih kanggé gayeng kempal-kempal lajeng dhahar sekécá, padhahal sasi puniká minongká sasi kanggé nggemblèng, dzikir, nyedhak dumateng Gusti Allah,” makaten Bouharrou. (es/es)