DEN HAAG – Kabinèt batal nambah nglonggaraken lockdown. Rembugan ing Catshuis, dalem resmi perdana menteri ing Den Haag, bénjing Ngahad ugi boten siyos.
Sasampunipun nglonggaraken sebagéan lockdown April kapengker, kabinèt netepaken kersá badhé nglonggaraken malih mangké tanggal 11 Mei, nanging kadosipun boten siyos, makaten Rijksvoorlichtingsdienst (RVD), Setu (1/5/2021).
Karsá kabinèt badhé nglonggaraken malih lockdown mangké tanggal 11 Mei antawisipun paring idin mbika malih musea, kebon satwa, panggènan olahraga, lan sapanunggalanipun, nanging kanthi syarat bilih ongká opname ing griyá sakit cethá mandhap.
Miturut RVD, ongká opname ing griyá sakit utaminipun bagéan intensive care malah sangsáyá mindhak inggil.
“Kitá mirsani bilih ongkánipun terus nanjak ing kurva, nanging mandhapipun dèrèng cekap ketingal kanggé njangkah damel palonggaran salajengipun,” makaten RDV.
Perdana Menteri sáhá párá menteri ingkang ngastá beleid pagebluk Coroná janipun badhé kempal ing dinten Ngahad bénjing kanggé ngrembug babagan palonggaran. Rembugan puniká dipununduraken dugi minggu ngajeng. (es/es)