DEN HAAG – Kabinèt mangsuli usul panyuwunipun Menteri Mancánegari Blok sarujuk ndhapuk sekawan Dutá Ageng.
Piyambakipun sekawan Dutá Ageng puniká nembé resmi menawi negari-negari ingkang badhé kalenggahan sampun kersá ngidini, makaten serat Ministerraad ingkang dipuntampi Het Javaanse Blad, dinten Jemuah (9/4/2021).
Párá sekawan Dutá Ageng wau sáhá kalenggahanipun nggih puniká:
1. Esther Loeffen, sapuniká KUAI ing Bujumbura, dados Dutá Ageng ing Burkina Faso, kalenggahan Ouagadougou.
2. Govert Jan Bijl de Vroe, sapuniká Dutá Ageng ing Riga, dados Dutá Ageng ing Finland, kalenggahan Helsinki.
3. Johan Verboom, sapuniká Konsul Jenderal ing Milan, dados Dutá Ageng ing Slovenia, kalenggahan Ljubljana.
4. Gabriella Sancisi, sapuniká Sekretaris Partikelir Gusti Kanjeng Ratu ing Kraton, dados Dutá Ageng ing Slovakia, kalenggahan Bratislava.
Kejawi makaten, ugi Komisi Jabatan Inggil Kamenterian Máncánegari mawi idin Menteri Máncánegari Blok ndhapuk Konsul Jenderal kanggé pos-pos puniká:
1.Konsul Jenderal Chongqing: Huub Buise, sapuniká KUAI ing Yangon.
2.Konsul Jenderal Milan: Mascha Baak, sapuniká KUAI ing Riyad.
3.Konsul Jenderal St. Petersburg: Carl Peersman, sapuniká utusan ing NATO Brussel, minongká Parampárá Sipil SHAPE.
Pandhapukan utusan iklim: Jaime de Bourbon de Parme, sapuniká utusan ing UNHCR Jenéwa minongká Parampárá Senior babagan Séktor Kamitran Swastá, dipundhapuk Kamenterian Máncánegari sáhá Kamenterian Ékonomi minongká utusan iklim atas nami pamréntah.
