PEKALONGAN – Satunggaling dogcar (dokar, red) dinten Jemuah dipuntabrak ing kretek ageng Kali Banger, antawis Batang lan Pekalongan, déning mobil H 6121 saking Semarang, ngantos kapetek dugi pinggir margi.
Makaten kapethik saking De Locomotief, serat kabar babaran Uitgever De Groot, Kolff & Co, Semarang, dinten Senèn (31/10/1932).
Mobil wau risak ing bagéan spatbord (Jawi: slébor), sawetawis dokar wau tugel kajeng boom-ipun. Apes tinemu apes, satunggaling laré pribumi kirang langkung 12 taun kénging dokar wau, kajeng boom ingkang tugel kénging padharan bagéan andhapipun, ndadosaken tatu ingkang jero.
Déning priyantun Eropa ingkang nitih mobil wau, korban dipunbetá dateng Griyá Sakit ing Pekalongan kanthi pangajeng mugi-mugi saget nylametaken gesang laré wau. Éwodènten párá penumpang dokar sedayanipun wilujeng nanging kaget boten kinten-kinten.
