BATANG – Ing dalu dinten Setu malem Ngahad kálá wingi haji Wohor gagriyá ing dhusun Jatisari, kecamatan Subah, Batang, kerawuhan gerombolan kecu ngastá gaman.
Gerombolan kecu wau ngrampas rádjá pèni kanthi regi kirang langkung 6.669 gulden sáhá artá kontan 1.800 gulden, makaten De Locomotief, Kemis (14/9/1950).
Ugi ing dhusun Wonokerto, kecamatan Wirádesá, Pekalongan, boten dangu kapengker wonten wargi ingkang kerawuhan gerombolan kecu ngastá bedhil. Barang ingkang dipunrampas kinten-kinten nggadhahi regi 130 gulden.
Salajengipun wonten wargi priyantun Arab gegriyá ing dhusun Kauman kuthá Pekalongan ugi kerawuhan gerombolan kecu. Saking piyambakipun gerombolan kecu wau ngrampas barang reginipun 800 gulden. Miturut piyambakipun gerombolan kecu wau kathahipun wonten 14 tiyang kanthi ngastá bedhil lan pistol.
Kejawi makaten wonten manten lurah dhusun Rejowinangun, kecamatan Kedungwuni, ugi kerawuhan gerombolan kecu. Manten lurah puniká kadosipun nglawan lajeng dipunpejahi. Kathahipun barang utawi artá ingkang dipunrampas párá kecu taksih dèrèng pati cethá. (es)