DEN HAAG – Foto komandan Kenpeitai, pulisi militèr minongká bagéan saking pasukan Kaisar Jepang, ing Djokjakarta. Pasukan puniká ngagem tetenger pita kain pethak ing lengen kiwá kanthi seratan aksárá Jepang tembung makaten:
Kenpeitai ingkang dipunkajrihi, ngastá tugas madosi sinten kémawon ingkang anti-Jepang. Kejawi makaten, pulisi militèr puniká ugi kuwaos nyepeng piyambakipun ingkang nglawan pamréntah, sáhá ngawat-ngawati Jepang sáhá kekriyan politik nasional.
Ing Jawi wekdal semanten wonten 700 Kenpeitai. Miturut teksiran wonten 15.000 wargi ingkang dipuncepeng pasukan puniká, antawisipun 5.000 dipunpejahi, sawetawis 7.000 sanèsipun sedá ing bui ingkang kahananipun awon sanget.
Naliká perang sangsáyá mbablas lan Jepang sangsáyá kuwalahen, raos kuwatos tumrap komplot lan kraman sangsáyá nemen. Pramilá cacahipun pulisi militèr Kenpetai dipuntambah kanthi nggalang taruná Indonesia. Kejawi puniká Jepang ugi nganggé kathah colok.