DEN HAAG – Daérah Haarlemmermeer taun wingi 2020 ngalami susut ékonomi ngantos -18% akibat krisis Corona. Kaping kalih Amsterdam -7%, makaten data Centraal Bureau voor de Statistiek (CBS).
Miturut CBS, Haarlemmermeer kénging dampak paling awrat amargi ekonomi daérah puniká gumantung sanget kalih Bandara Internasional Schiphol lan séktor jasa ingkang tumèmpèl. Miturut administrasi, kutháprájá Haarlemmermeer pancèn kalenggahan Bandara Schiphol, sanès Amsterdam.
Sawetawis Amsterdam ten periode ingkang sami ékonomipun anjlok -7%, utaminipun kasebab séktor pariwisátá lan horeca (hotèl, réstoran, café, red) katut kénging dampak krisis Corona.
Éwodénten Delfzijl kalebet daérah ingkang paling sekedhik susut kénging dampak krisis namung -1%, amargi perusahaan-perusahaan ten kutháprájá puniká lumayan ngasilaken prestasi saé, ugi daérah puniká boten gumantung kalih séktor pariwisátá lan horéca.
Ugi daérah Haarlem susut -4% kasebab perusahaan-perusahaan ngalami rugi utaminipun ten séktor budháyá, olahrágá, rékréasi, angkutan, pariwisátá, lan horéca. Sawetára ékonomi daérah Groningen ngalami susut -5% akibat tambang gas sangsáyá kirang (Sumber: nu.nl)