AMSTERDAM – Ampun kemlithi urusan pranatan Walandi. De Koninklijke Maréchaussée nyepeng 6 penumpang ing bandara Schiphol. Sababipun penumpang wau mbalélá protokol Corona ing montor mabur saking Spanyol.
Kanem penumpang wau mbalélá boten karsá ngagem masker lan damel kisruh, makaten Maréchaussée dumateng Het Parool kados kapethik dinten Kemis (6/5/2021).
Sarèhning wonten penumpang mbalélá, pramilá Kaptèn Pilot nglapuraken kanem penumpang wau, sedáyá ngastá paspor Spanyol minongká kawulá nagari Karajan Spanyol. Naliká mandhap dugi bandara Schiphol, Amsterdam, dinas pulisi bandara saking De Koninklijke Maréchaussée énggal nyepeng piyambakipun.
Wekdal sapuniká kathah lapuran dateng pulisi perkawis penumpang montor mabur ingkang mbalélá boten ndhèrèkaken protokol Corona. Taun kapengker wonten satus lapuran párá pilot datang pulisi perkawis penumpang ingkang damel kisruh, kathahipun amargi mbalélá protokol Corona. (es/es)