DEN HAAG – Ngarsá Dalem Rájá Willem-Alexander der Nederlanden badhé nampi serat-serat piandel saking Dutá Ageng Republik India, Dutá Ageng Republik Bulgaria, sáhá Dutá Ageng Republik Dominika ing Kraton Noordeinde, Den Haag, dinten Rebo (17/3/2021).
Dutá Ageng India Pradeep Kumar Rawat, Dutá Ageng Republik Bulgaria Konstantin Stefanov Dimitrov sáhá Dutá Ageng Republik Dominika Juan Bautista Durán ngaturaken serat-serat piandel dumateng Ngarsá Dalem kanthi protokol merangi virus Corona.
Párá Dutá Ageng rawuh saking sisih wingking Kraton Noordeinde nitih mobil, boten saking ngajeng, kados biasanipun, ugi boten nganggé krétá turánggá.
Lajeng upácárá militer ugi dipunmathukaken kalih kahanan. Serat-serat piandel párá Dutá Ageng boten dipunaturaken langsung dumateng Ngarsá Dalem, nanging déning párá Dutá Ageng wau dipunsèlèhaken ing satunggaling méjá.
