LONDON – Pangéran Philip, Duke of Edinburgh (Haryápatih Edinburgh, red) garwanipun Ratu Inggris Elizabeth II, sédá ing yuswá 99 taun dinten Jemuah (9/4/2021).
Makaten dipunbáyáwáráaken déning kraton Inggris Announcement of the death of The Duke of Edinburgh. Panjenengan ugi saget ndhèrèk atur belásungkáwá ing mriki:
Ing sebagéan wilayah Inggris, antawisipun ing London, Edinburgh, Cardiff, Belfast lan Gibraltar, badhé dipunaturaken 41 témbakan kinurmatan cacahipun kaping 41 dangunipun 45 menit dinten Setu persis jam 12.00 siang, utawi jam 18.00 antawis wekdal maghrib WIB.
Ugi kapal-kapal Angkatan Laut ndhèrèk atur kinurmatan dumateng Pangéran Philip ingkang naté dinas ing Angkatan Laut Inggris naliká Perang Dunia II, makaten Kamentrian Pertahanan Inggris.
Tradisi ing Inggris menawi wonten kedadosan ingkang wigatos babagan kaluargi kraton tansah dipunaturaken 21 tembakan salvo. Tembakan salvo cacahipun dipun tambah dados 41 mligi kanggé kaluargi inggil kraton, kados naliká Ratu Elizabeth II tanggap warsá, ugi sedanipun Pangéran Philip puniká.
At The Queen’s Coronation in 1953, The Duke of Edinburgh swore to be Her Majesty’s ‘liege man of life and limb.’
— The Royal Family (@RoyalFamily) April 10, 2021
The Duke was a devoted consort (companion to the Sovereign) for almost 70 years, from Her Majesty’s Accession in 1952 until his death: https://t.co/GCMvYfu4SD pic.twitter.com/smGpiIMbDe
Pangéran Philip boten badhé pikantuk upácárá kanegaran miturut tradisi, ugi jisimipun boten badhé dipunsemayamaken ing gedhong negari amargi protokol Corona. Piyambakipun kadosipun ugi boten kersá. Upácárá pesaréan mathuk kalih kersanipun Pangéran Philip, makaten katerangan pamréntah.
Jisimipun Pangéran Philip namung badhé dipunsemayamaken ing Kastil Windsor, salah satunggaling gegriyá dalem kaluargi kraton, miwiti pesaréan piyambakipun.