DEN HAAG – Perdana Menteri Mark Rutte bakal ngrawuhi KTT virtual babagan iklim Partnering for Green Growth and the Global Goals/P4G (Katuwuhan Ijem lan Tujuan Global) 2030, mangké dinten Senèn, 31 Mei 2021.
Makaten serat pawartá saking Rijksvoorlichtingsdienst ingkang dipuntampi Het Javaanse Blad wekdal énjing dinten sapuniká, Jemuah (28/5/2021).
KTT saben kalih taun puniká giliran dipunawontenaken déning présidèn Korea Kidul Moon Jae-in lan pikantuk téma Inclusive Green Recovery towards Carbon Neutrality (Pamulihan Ijem Sesarengan nuju Kanétralan Karbon).
P4G ngempalaken firma-firma, pamréntahan, sáhá LSM wonten ing kamitraan pamréntah swasta ingkang ndorong tuwuh ijem kanggé kalestarian bumi.
Tujuanipun KTT puniká inggih puniká madosi wangsulan kanggé majengaken Sustainable Development Goals (Tujuan Pambangunan ingkang Lestari, red) sáhá Paris Agreement (Prajanjian Paris). (es/es)