OSLO – Putri Ingrid Alexandra ambal warsá kaping 18. Ngarsá Dalem Willem-Alexander, Gusti Kanjeng Ratu Máxima, sáhá Putri Amalia ugi rawuh ndèrèk ngurmati.
“Ngarsá Dalem, Gusti Kanjeng Ratu, sáhá Gusti Kanjeng Putri ugi rawuh ing galadiner ngurmati ambal warsá Gusti Kanjeng Putri Ingrid Alexandra ing Kraton Oslo,” makaten Rijksvoorlichtingsdienst (17/6/2022).
diadém = tiara
diadeem; Sijs, Nicoline van der (2010), Etymologiebank
Galadiner wau dipunawontenaken ing Kraton Oslo, Norwegia. Gusti Kanjeng Putri Ingrid Alexandra puniká putri mbajeng Pangéran Pati Haakon Magnus tuwin Putri Mette-Marit.
Putri Ingrid ngastá garis kaping kalih trah panerus dampar Karajan Norwegia sasampunipun kang rámá, Pangéran Pati Haakon Magnius.
galadiner = pasamuan ageng
Het Javaanse Blad
Saking Walandi, Gusti Kanjeng Putri Amalia rawuh ngagem diadém kagunganipun kang ibu, Ratu Máxima. Diadém puniká naté dipunagem Ratu naliká ningkahan pikantuk Ngarsá Dalem.
Rángká diadém puniká taksih kalebet énggal, damelan toko Steltman saking tahun 1965. Éwodènten berlianipun saking kolèksi kagunganipun Ratu Emma, mbah buyutipun Putri Amalia.
Gusti Kanjeng Ratu Máxima ngagem busáná gaun pistá warni abrit damelan Jan Taminiau mawi slémpang ugi warni abrit, nganggé diadém berlian Stuart.
Lajeng kalungipun Gusti Kanjeng Ratu Máxima nganggé berlian saking abad kaping 17, salah satunggaling kolèksi adiluhung kagunganipun kraton.
Sawetawis Ngarsá Dalem Rájá Willem-Alexander ngagem busáná warni cemeng sáhá slémpang ugi warni abrit. (es/es)