Gusti Kanjeng Ratu Máxima der Nederlanden kersá nampi lembar kaping sepindhah buku Overgang van Top tot Teen (Menopause saking Sirah dugi Samparan) naliká mawi digital ngrawuhi webinar déning Ziekenhuis Gelderse Vallei babagan gangguan Menopause.
Párá pangarang wau nyerat buku puniká sasampunipun piyambakipun netepaken bilih kathah wanitá boten pirsá menawi sarirá boten sekécá puniká dipunsebabaken amargi Menopause lan klèntu nganggep minongká awak lungkrah.
Kanggé nyerat buku puniká párá pangarang ngendikan kalih párá ahli lan dokter spesialis sáhá nyariosaken pengalamanipun piyambak-piyambak naliká pikantuk Menopause. Dados buku puniká ngemu campuran cariyos pengalaman piyambak, kawruh ilmiah, lan cepengan praktis.
Sasampunipun kerawuhan Ratu Maxima wonten ing presentasi buku, webinar dipunlajengaken guneman antawis párá pangarang kalih párá ahli ingkang pengalaman perkawis pripun caranipun kanthi mathukaken gesang, utaminipun masalah dhaharan, olahrágá, lan saré, saget ngirangi boten sekécanipun Menopause. (es)