DEN HAAG – Gusti Kanjeng Ratu Máxima der Nederlanden kersá paring pidato Call to Action for Reaching Financial Equality (Dhawuh Tumindak Kanggé Sami Brayan Ngupáyá ing Babagan Artá, red) miwiti prèngetan Dinten Wanitá Internasional), Senèn (8/3/2021).
Pasugatan dinten puniká dipunawontenaken déning Better Than Cash Alliance (Pirukunan Langkung Saé Tinimbang Kontan), UNCDF, World Bank Group (Golongan Bank Jagad), sáhá Women’s World Banking (Urusan Bank Jagad Wanitá) mbabaraken babagan sami brayan ing layanan artá antawis priyá lan wanitá #genderequality.
Ing pidato online wau Gusti Kanjeng Ratu Máxima ndorong pamréntah lan perusahaan supados nrètès pambiayaan brayan digital kanggé párá wanitá minongká piranti ndandosi ékonomi sasampunipun pagebluk.
Párá wanitá dugi dinten sapuniká taksih kirang pikantuk margi kanggé nglebeti layanan babagan artá tinimbang párá priyá. Perkawis puniká ngalang-ngalangi karsanipun párá wanitá kanggé megaraken diri. Krisis Corona mboten kinten-kinten ngèngingi kalenggahan párá wanitá ing ékonomi kanthi sanget, makaten UN Women.
Saking pamriksan jebul bilih wiwit pagebluk Corona sajagad wonten 47 jutá langkung kathah wanitá dumugi kahanan ingkang kirang sanget. Dadosipun total wonten 435 jutá wanitá sáhá laré éstri sedáyá yuswá ingkang nampi opah kirang saking 1,9 dollar per dinten.
Gusti Kanjeng Ratu Máxima sapuniká ngastá ing PBB minongká Adovokat Khusus Sekjen PBB babagan Sami Brayan ing Artá kanggé Pembangunan (UNSGSA). Minongká UNSGSA, piyambakipun cancut tali wándá keliling jagad kanggé margi nuju layanan artá ingkang langkung saé sáhá langkung aman.
