DEN HAAG – Gusti Kanjeng Ratu Máxima, anggota Nederlands Comité voor Ondernemerschap (Komite Juragan Walandi) sareng kalih ketua SER Mariëtte Hamer kersá tilik kriyá digital dateng wilayah Utrecht dinten Kemis siang, makaten Rijksvoorlichtingsdienst (18/3/2021).
Tilik kriyá puniká minongká mertandhani pamegaran pangarepan kriyá sadangunipun krisis pagebluk Corona lan sedáyá akibatipun wekdal samangké. Gusti Kanjeng Ratu Máxima, Mariëtte Hamer ugi párá anggota Comité Meiny Prins kersá ndhèrèk ngendikan ing tigá pacelathon.
Tilik kriyá dipunwiwiti kanthi ngendikan kalih pinten-pinten pangusáhá saking UKM ingkang manggèn ing padunungan perusahaan Lage Weide, Utrecht. Sebagéan perusahaan puniká kedah ngupáyá supados boten bangkrut, sawetawis ingkang sanèsipun mèh boten saget ngimbangi. Párá juragan matur babagan tantangan-tantangan ingkang dipunadhepi lan babagan owahing pedamelan sáhá kabetahan pedamel piyambakipun.
Ingkang kaping kalih ngendikan babagan prakarsá tátáleksáná padunungan perusahaan kanggé ndadar “tumindak saking kriyá nuju kriyá” ingkang lestari. Tujuanipun kanggé ngatur éwahing kalangkungan fungsi dateng kekirangan fungsi lan sawetawis saget nadhahi wekdal-wekdal pedamel nganggur lan wekdal-wekdal pedamel ketèkèran kathah kriyá.
Bagéan saking tumindak wau nggih puniká maringi párá pedamel langkung kathah prastáwá ing kapinteranipun lan kabetahanipun kanggè sekolah malih. Prakarsá saking Lage Weide puniká mligi ing bidangipun, ngemu kathah séktor lan makaryá sami kalih padunungan perusahaan kiwá tengenipun. Kanthi makaten tumindak wau ing dinten samangké saget dipuntambah dugi padunungan sanèsipun wonten ing wilayah wau.
Pungkasanipun, Gusti Kanjeng Ratu Máxima, Mariëtte Hamer sáhá Meiny Prins ngendikan kalih párá punggáwá kutháprájá Utrecht, provinsi Utrecht, lembaga pendhidhikan daérah, lan organisasi párá juragan VNO-NCW, antawisipun dipunaturaken wigatosipun sekolah kajuruan, sekolah inggil, sáhá pamréntah dhaérah.
Komite ugi SER mirsani bilih párá pedamel ingkang pikantuk dhidhikan saé lan pikantuk jenjang saget minggah minongká salah satunggaling faktor sukses (kabegjan) kanggé ndandani lan thukulipun UKM.
Sadèrèngipun Gusti Kanjeng Ratu Máxima sáhá Mariëtte Hamer sampun kersá tilik kriyá minongká ndhedher sekolah, pamegaran, sáhá pakaryan dateng Stichting De Buitenboordmotor, perusahaan ing Rotterdam, Regionaal Werkcentrum Groot Amsterdam ing UWV lan dhaérah Midden-Brabant.
