DORO – Wonten ing pandápá Wedáná distrik Doro dipunawontenaken pamilihan anggota Regentschapsraad (Déwan Kutháprájá) Pekalongan dinten Selásá, 10 Agustus.
Párá kawulá pamilih semrikut rawuh ing kawedanan kanggé tujuan wau, kalebet Bupati Pekalongan ugi karsá rawuh. Sarèhning panyiapanipun saé sedayanipun saget kalaksanan kanthi lancar.
Kapilih minongká anggota Déwan Kutháprájá saking Doro inggih puniká Wedáná Doro piyambak: M. Aboebakar Sastrosoedarso, makaten Het Algemeen Handelsblad, dinten Setu (14/8/1937).
Sajangkepipun kasil pamilihan anggota Déwan Kutháprájá Pekalongan kanggé periode kalenggahan 1937-1941:
| DISTRIK | ASMÁ WAKIL |
| Pekalongan | 1. M. Marjono Danoebroto |
| 2. R. S. Poerwosiswojo | |
| Kedungwuni | 1. Mas Soerodjo |
| 2. Mas Daim | |
| Wiradesa | 1. R. Soeprapto |
| 2. R. Mohamad | |
| Batang | 1. M. Aboebakar |
| 2. R. M. P. Kartohadinoto | |
| Kajen | R. M. Atmokartono |
| Doro | M. Aboebakar Sastrosoedarso |
| Paninggaran | P. S. Soerosoedirjo |
| Bandar | Mas Ismail |
| Subah | R. Mohamad |
| Bawang | R. Iskandar |
Wekdal semanten Kabupatèn Batang dipunlebur mlebet Kabupatèn Pekalongan dados satunggal regentschap (kabupatèn) ingkang ngasilaken pangiritan (èfisiènsi) anggaran, kados katingal saking rancangan anggaran ingkang ènggal.
Saking pepadhan tumrap jumlah akhir pangowahan anggaran sapuniká ingkang cacahipun 99.868 gulden, mindhak saking anggaran Kabupatén Pekalongan sadèrèngipun, kalih jumlah akhir anggaran Kabupatèn Batang sadèrèngipun inggih puniká 115.738 gulden, saget dipunsimpulaken bilih panggabungan kakalih kabupatèn wau ngasilaken èfisiènsi anggaran 15.870 gulden.