DEN HAAG – Bahan kelir pethak kode E171 boten kénging malih kanggé bahan pangan, makaten negari-negari anggota Uni Eropa sarujuk nampi rancangan Komisi Eropa.
saget ndadosaken kanker usus lan ngrisak lever
European Food Safety Authority
Bahan kelir pethak E171 saget ndadosaken kanker. Bahan kelir puniká déning pabrikan dipuntambahaken antawisipun ing permèn karèt, permèn biasa, coklat pethak, sup, pizza, lan produk roti sanèsipun supados produk wau tambah pethak utawi ketingal kinclong.
Komisioner Eropa Stella Kyriakides (Keséhatan) ngendiká bilih pangan ingkang aman lan keséhatan konsumèn wigatos sanget.
“Pramilá kitá kanthi nyepengi kasunyatan ilmiah netepaken kedah nyingkiraken risiko puniká saking pangan,” makaten Stella Kyriakides.
Panguwaos kaslametan pangan Eropa (EFSA) sadèrèngipun ing wiwitan taun puniká sampun ngaturaken lapuran bilih bahan tambahan E171 boten aman, sarèhning saget minggahaken risiko kanker usus lan ndamel risak lever.
Sawetawis RIVM ugi sampun mprèngetaken wiwit taun 2018 babagan risiko bahan-bahan tambahan ingkang mbebayani kanggé keséhatan.
“Kampanye kitá pinten-pinten taun kanggé nglarang bahan wau akhiripun wonten kasilipun,” makaten direktur Nicole van Gemert.