DEN HAAG – Walandi sareng kaliyan nagari-nagari Uni Eropa badhé ngetrapaken kartu kode QR ingkang dados bukti bébas saking virus Corona.
Minongká bukti bilih piyambakipun boten mbetá virus Corona
Walandi piyambak ngarsaaken saget miwiti ing pungkasan sasi Juni, nanging Perdana Menteri demisioner Mark Rutte mprakintenaken bilih nagari-nagari Uni Eropa sanèsipun mundhut wekdal langkung dangu.
Nagari-nagari UE taksih kedah sarujuk babagan pranatan kode QR ingkang samangké saget dipunastá tiyang késahan minongká bukti bilih piyambakipun boten mbetá virus Corona.
Menawi babagan puniká saget rampung, pramilá saget dipuntrapaken ing tanggal 21 Juni. Lajeng nagari-nagari UE kagungan wekdal 6 minggu kanggé ngetrapaken ing nagari piyambak-piyambak.
ngetrapaken (nindakaken, implementasi)
Sebagéan nagari UE kadosipun nembé ing Agustus saget siyap mawi pranatan kanggé ngaturi tiyang késahan mlebet nagarinipun kanthi kartu kode QR wau.
Mawi kartu wau tiyang kèsahan saget mbuktiaken bilih piyambakipun sampun pikantuk vaksin, sampun tès kanthi kasil négatif, utawi nembé saras saking Covid-19 lajeng imun. Makaten nagari-nagari saget maringi idin tiyang késahan mlebet nagarinipun kanthi aman. (es/es)