DEN HAAG – Kabinèt dinten Jemuah maringi bocoran bilih wiwit sapuniká agénda sidang kabinèt ugi kasilipun badhé dipunbabaraken dumateng masyarakat.
PM Mark Rutte nyaguhi makaten wonten ing dinten naliká kabinèt dipunbibaraken lajeng demisionèr amargi masalah tunjangan.
Miturut piyambakipun, masalah tunjangan nedhahaken bilih pranatan informasi kedah dipunowahi kanthi tuntas.
Ing sidang kabinèt wau párá menteri netepaken kabijakan sáhá ngrembug kahanan politik ingkang wigatos dinten puniká. Agénda sidang kabinèt sadèrèngipun boten naté dipunbabaraken, malah notulènipun dados rahasia negari. Menawi sampun 20 taun nembé saget dipunbabaraken.
“Mangké wonten ing sasi Mei” daftar kasilipun katetapan saking sidang kabinet badhé dipuntambah, per babagan dipunparingi kontèks lan katerangan. Dugi wekdal wau, sawetawis daftar ingkang taksih gundhul badhé dipunbabaraken. Agénda sáhá daftar katetapan lajeng dipunbabaraken ing Rijksoverheid.nl.
Sadèrèngipun dinten Jemuah wau sampun dipunaturaken 3 rancangan undhang-undhang: rancangan undhang-undhang panutupan peksá bangunan menawi wonten panularan Corona, rancangan undhang-undhang wajib karantina tiyang késahan mlebet Walandi, lan rancangan undhang-undhang bukti tès kanggé mbika gesang kados normal malih.